قصيدتا الشاعرين عصام ملكي وجورج منصور في حفلة جوقة المسرح

جوقة المسرح، من اليمين: بسام حرب، أنطوان سعادة والياس خليل

والدة القنصل، قنصلنا العام في سيدني جورج البيطار غانم، المحامية ابو حمد وبسّام دكّان

قصيدة عصام ملكي

يا مناصرين لشعرنا الموزون
الليله اعرفو رح تشبعو سعاده
عنا سعاده مع اسم انطون
وعنا سعادة قنصل بلادي

ويسعد مساكم مش فرد مرّه
عا وجوهكم منحبّ نتمرّى
جيتو لانو عندكم ايمان
بحر الشعر مش سمكتو حَرّه

ونحنا تا يسمع صوتنا لبنان
جينا لهوني بنفس مخضرّه
نقدم مع الجوقه لكم الوان
وعن قوة التشجيع نتحرّى

وبالمختصر يا حباب يا اخوان
شوفو نظرنا عليكم مغرّى
انتو ببيت الشعر صرتو الآن
ومكتوب فوق الباب والشباك

ممنوع انّو تطلعو لبرّا

وبقول للزوار يخزي العين
الهم علينا بالمحبه دَين
فوق المنابر متلهم هاتو

تا هون الكم ارفع الايدين

الشاعر لاصحابو عطى ذاتو
ووقفة كريم النفس عين وزين
وقال المتل وبعيد كلماتو

هلي بعين بيقشعك مفروض
تشوفو انت بعيونك التنتين

وعن ها التلاته بجوقة المسرح
بدي تلات لسانات تا اشرح

سعاده السعاده بطلتو قنطار
وانو المراجل ربها مصرّح

وكلما خليل يجنّد الافكار
عناتر عا خشبة منبرو بيطرح

والحرب يسلملي ابن ادوار
بيجرح شعورو وما حدا بيجرح

وها المطعم بلا شك هوي نار
فوق العلم وبخدمتو منفرح

اسمين عندو وملتقى الشعار
ولما قلت للناس انو هون
كلن قالولي منعرف المطرح

واختتم ممازحا

وهلق يا اطيب ناس يا خواجات
تا اختم خطابي ما بعرف كيف
من حيث برّيت تلات لسانات
بلسانكم رح اشكر العريف

**

قصيدة جورج منصور

قالو شعر يما دهب رنان
بدنا يا شاعر منك شهاده
كل شي بينزان بالميزان
قلتلهم ضبوه عا حيادي
الشعر تنهيدة قلب ولهان
النهده صلا وايمان وعباده
الشعر فوحة عطر بالوديان
الوديان هلي مزنره بلادي
بتمرق عا شاعر شارد وصفنان
متل البيمرق عا بحر هادي
البحر البقلبو الدر والمرجان
ما في بقلبو بيت قرّادي
ولبنان بها الكون لو ما كان
ما كان في صادح ولا شادي
ومين قال ما عندي حدا بلبنان
عندي الارز عندي جبل صنين
عندي سعاده وجوقة سعاده
"انطون" طقم اللابسو بلا جياب
"ولياس" خلقان وبايدو كتاب
وليش ما بغني ان سألتوني
بسدني عملت قلبي لهم مسرح
بتقدرو بوجهي تسبوني