الى روح فقيدة الصبا والجمال فانيسا مسلّم/ جورج منصور

لما قمر زحله اختفى خلف البيوت

قالو السما من عيونها الدمع انهمر
واسودّ لون الأرجوان وعشتروت

وجهّا بجوانح العتمه انكمر
ونهر زحله قال فضلت السكوت

وخمر الخوابي انسل ما عاد اختمر
كل حي ع سطح الأرض بدو يموت

وهي اول المرّات بيموت القمر

بوادي العرايش كل نسمه مشردقه

وع نبعها الحزنان ممنوع الجلوس
بتتعوكر الأيام بيعمّ الشقا

لما بتتعوكر ع تزكتها الكؤوس
وبالحوش ايا ايد خنقت زنبقه

تاصار وجه الكاينه اصفر عبوس
وزحله عروس بكل هاك المنطقه

واليوم عنتبكي العروس على العروس

اليوم العروس ع بال زحله خاطره 

بالقامة الحلوي وبتكاوينها
ونحنا بنمشي والحياة مخاطره 

فجأه علينا بتقلب ميازينها
قلوب الأهل غيبة فانيسا شاطره

ونوارها اخدو غدر تشرينها
وبدلة الأكليل بعدا ناطره 

والطرحة البيضا العاقد جبينها

يا بهيه بلسمي جروح العيال 

والموت ماهمو شيوخ ولا طفال
بنت اختك ربنا وجهلها

دعوه وعليها مش عم يخيص دلال
من قبل ما فجر العمر جهجهلها

انطفيت الشمعه الضاويه وع كل حال
بدي عن لساني تقولي لأهلها

كان عندن ع الأرض بسمة ملاك
صار عندن بالسما ملكة جمال