دمعة رثاء يذرفها الشاعر مروان كساب على المرحومة فانيسيا مسلّم فقيدة العلم والصبا والجمال
رحمات الله على صباها الأخضر الريان
اليوم اسمحولي بحة الأحزان ذيع
من هالمصيبي الجرحت قلوب الجميع
رحمات الله على صباها الأخضر الريان
اليوم اسمحولي بحة الأحزان ذيع
من هالمصيبي الجرحت قلوب الجميع
وصلي لفانيسيا وبالهياكل انحني
وابكي وارثي عاقدر ما بستطيع
وابكي وارثي عاقدر ما بستطيع
قالو اختصر بالشرح اكتر واعتني
ولا تزيدها وبخيالك الشارد تضيع
ولا تزيدها وبخيالك الشارد تضيع
قلتلهم يا ناس منش هيني
تسجنو المجروح بمجالو الوسيع
تسجنو المجروح بمجالو الوسيع
وماتقشعو صورة صبيي مزيني
بالحسن بالأخلاق بالعلم الرفيع
بالحسن بالأخلاق بالعلم الرفيع
وما تقشعو زهره بحلاها متشرني
والريح لفلفها بمنديل الصقيع
والريح لفلفها بمنديل الصقيع
وبعدها بمرجة عمر عشرين سني
أحلامها رعيان والعالم قطيع
أحلامها رعيان والعالم قطيع
وكيف شكل بدكم كف دمعه محزني
وابني لدموع العاطفي السد المنيع
وابني لدموع العاطفي السد المنيع
وعا فانيسا نزلت دموع الدني
وغرقو زرار الورد بدموع الربيع
وغرقو زرار الورد بدموع الربيع
يا حرش تابت خيط تياب الضجر
وحرم طيور الأنس تنشد عالشجر
وحرم طيور الأنس تنشد عالشجر
ومن عتم غربي وعين خلقت دامعه
لملم بكي وجروح من شاعر هجر
لملم بكي وجروح من شاعر هجر
ومش بس وحدا عم بتبكي الجامعه
عافانيسا وقلبها دموع انفجر
عافانيسا وقلبها دموع انفجر
العلم افتقد حلم الطبيبي المبدعه
اللي فراقها من لوعتو بكّى الحجر
اللي فراقها من لوعتو بكّى الحجر
يا ويل ام الكلها عطف وحنان
عابنتها الدابت بقلب الشمعدان
عابنتها الدابت بقلب الشمعدان
دمعاتها صبت عانار الحزن نار
تاصار يحني قبالها هام الزمان
تاصار يحني قبالها هام الزمان
وكنتي لها عصفورة عياد الديار
وكلما وعيتي الفجر يعمل مهرجان
وكلما وعيتي الفجر يعمل مهرجان
وساعة ما جنحك عاسما رضوان طار
نهداتها راحت تحيكلك كفان
نهداتها راحت تحيكلك كفان
ونام الحزن فيها عاجمر الانتظار
وحرق القلب لولا انطفى بيبقى ملآن
وحرق القلب لولا انطفى بيبقى ملآن
وبيّك ابن زحلي ابن أرض الوقار
ابن عنقود الوحي والعنفوان
ابن عنقود الوحي والعنفوان
الحزن زنّر خاطرو داير مدار
وما عاد يعرف وين صار ووين كان
وما عاد يعرف وين صار ووين كان
ومن كتر ما عليه الحزن والقهر جار
من دمعتو داب الوتر والصخر لان
من دمعتو داب الوتر والصخر لان
ومن ذكرياتك راح يجمعلك غمار
وطرز ضريحك بالحبق والبيلسان
وطرز ضريحك بالحبق والبيلسان
وخالتك بهيي الكل عمرا مشعشعه
رزحت يا حسره تحت حمل الفاجعه
رزحت يا حسره تحت حمل الفاجعه
وسهراتها بالشعر حفرت ذكريات
وبقيت رغم كل الظروف الموجعه
وبقيت رغم كل الظروف الموجعه
تخفي جروحاتا تاتعمل واجبات
وحجبت ببسمتها العيون الدامعه
وحجبت ببسمتها العيون الدامعه
يا ويلها من هالمصيبي الهيك جات
وهيي المحاميي القديره اللامعه
وهيي المحاميي القديره اللامعه
الأقدار خطفت بنت اختا من الحياة
بأحكام ما بتقبل طرق المراجعه
بأحكام ما بتقبل طرق المراجعه
لكن صبيي تموت من أذكى البنات
وكانت على عرش العلم متربعه
وكانت على عرش العلم متربعه
بيصعب علينا نقول انو العدل مات
منشان ما تصير الأماني مزعزعه
منشان ما تصير الأماني مزعزعه
خصوصي اله الكون رب المعجزات
ولحكمتو كل الخلايق خاضعه
ولحكمتو كل الخلايق خاضعه
وجدك حليم المن عقود مختيره
دشر العيلي عاجناح مكسره
دشر العيلي عاجناح مكسره
ودشر يتامى زغار بعدن بالسرير
وام ترعاهم حزيني معتره
وام ترعاهم حزيني معتره
هلق بملقاكي رح بيبكي كتير
دمعات عاصباكي وحلاكي محسّره
دمعات عاصباكي وحلاكي محسّره
ودمعة فرح شاف الحفيدي والكبير
عندو الحفيدي مثل أتمن جوهره
عندو الحفيدي مثل أتمن جوهره
وصية بهيي لبيها يرعى المصير
تاتضل فانيسا ولا لحظه مكدره
تاتضل فانيسا ولا لحظه مكدره
ومن عند الله يجبلها طيب العبير
ويستمطر دموع الثريا عالثرى
ويستمطر دموع الثريا عالثرى
ويغزلها طرحه من خيوط الحرير
ويحيي عرس بالمقبره تالميتين
ويحيي عرس بالمقبره تالميتين
يستقبلو كلن عروس المقبره
0 comments:
إرسال تعليق