الاهلا ويا سهلا الك يا ريِّس «سليمان»
قلبي فتحلك قبل ما تدق عا بابو
عن سطح بيت الشعر قايل انا من زمان
«ميشال» ابن الاصل وكتار احبابو
بلبنان كان الوضع اكتر من التعبان
وعا الرمل ساحب عصا تا يضرب حسابو
ووقت اللي عهدك اجا وتغيَّر العداَّن
محىَّ خطوط الكبر واسترجع شبابو
قلت بخطاب القسم النا باطرى لسان
مش رح تخلِّي الوطن عايش عا اعصابو
وعا الجو لما رجع من غيبتو الايمان
ما عاد حط الكفر ايديه بجيابو
الخدمه بجيش الوطن عطيت الك نيشان
ومعلوم قلت الدهب ارخص من ترابو
وكنت الصريح وكنت للمكرمه عنوان
وهم العطانا وجع سفرَّت اسبابو
ومش بس انك بطل كونك عظيم الشان
لما التوافق مشي صفيَّت عرِّابو
وجيت على سدني ومعك جايبلنا لبنان
وكل اللي قبلك اجو لبنان ما جابو
0 comments:
إرسال تعليق