قصيدة الشاعر يوسف جرجس جبرين المهداة لسيادة المطران أنطوان طربيه

ل سيادة مطران أوستراليا انطون طربيه بلسان كرم المهر ولساني

يا سيدي من كبر ايماني
جايي تا هني سيادتك حاني
ومن زيت قدسك كحل العينين
وسلح ضميري بصدق رهباني
يا شمعة ال من معجن الديرين
من مار شربل والكفيفاني
انت الثنائي الكان الك توبين
وعطيت خيك توبك التاني
يا ابن بيت ال في الو جسرين
جسر الأبوي وجسر رباني
من شمالنا من خير تنورين
تنور يطعم قوت للأجساد
وتنور يطعم خبز روحاني

يا ابن هالضيعه الشماليي
الله خلقها في قضا البترون
ارزا شعار وأرضها شبيي
فروخا حمام جناحهم زيتون
برعت ب صفوف الابتدائيي
لم كنت بعدك بالعمر طربون
وحبيت بدله اكليريكيي
والصعب ع الصلاّح شو بيهون
هالدني عرفتا متل ما هيي
والخير خيّ الشرّ بالمضمون
بلشت تبدر حبّ يوميي
تصوّل القمح وتشلح الرهبون
ونقلت ع الكسليك والنيي
توفي ديون البرموز ديون
ولما زرت كرسي الرسوليي
البابا يوحنا السامح المسجون
من بركتو أهداك شمسيي
من كنيسة الصخرة البطرسيي
البلدين قضيت ع بطش نيرون

ورجعت عا لبنان متل الطير
بعين البصيره وجفنك الواعي
تعلم من الكسليك جدّ السير
عا دروب خير ومرشد وساعي
وجيت على سدني تريست عا دير
مار شربل ولمحبتو داعي
وراعي بكركي الما بيعمل غير
محبه تا يهدي كل اقطاعي
حتى خراف الدين يبقوا بخير
لشعوب سدني عيّنَكْ مطران
منشان راعي يسلم لراعي

ومن بعد هالتعيين بشويي
كلمن تمنى بالسيامه يكون
وعملو بتنورين عيديي
والأرز غنى لطلتك عربون
البطرك الراعي بعتك هديي
ومش بس شعب بلادنا ممنون
ممثل الدوله الاستراليي
رفيقك وصل عا غبطة بكركي
ومن موطنك عا دير مار مارون
يوسف جرجس جبرين