كتب اكرم برجس المغوّش
أقام رئيس مجلس الجالية اللبنانية وعضو بلدية مدينة ليفربول الاستاذ علي كرنيب واعضاء المجلس وليمة إفطار بمناسبة شهر رمضان المبارك برعاية مدير عام البنك العربي الاستاذ جو رزق وحضور نائبة أوبرن الاكاديمية جولي فين ونواب واعضاء بلديات منهم الأساتذة المهندس جو عواضه ومايكل حواط ( محمود ) وطوني حدشيتي وفدوى كبي وفاعليات اجتماعية وحزبية واقتصادية ومن الاعلام العربي شربل بعيني وجوزيف خوري وممدوح سكرية واكرم المغوَش .
بداية قرأ الحاج حس بزي دعاءً وقدم المتكلمين امين سر المجلس الاستاذ الياس طنوس مرحبا ًوتحدث رئيس المجلس الاستاذ علي كرنيب وراعي الإفطار الاستاذ جو رزق ومسك الختام القى الشاعر الاعلامي شربل بعيني قصيدة من وحي رمضان هذا نصها:
يا رمضان.. الكلّك محبّه
بشهرك ع طولْ بيجتمع شعبي
يا ريت فيني شهور متلك جيب
وخلّي السنه تتجمّع بقلبي
كنت بِمْحي من الدني التعذيب
بغيّر ظروف بلادنا الصعبه
بوقّف الفوضى.. بشجّع الترتيب
بزرع زهور السلم ع دربي
يا مجلس بهالجاليه.. لا تغيب
خليك ضاوي بعتمة الغربه
الإعضا بـ قلبي.. مع علي كرنيب
بهنّي ضيع للخير منتسبه
وبقول كلمه فاح منها الطيب:
لولا المحبه.. ما انوجد ربي
ـ2ـ
يا صايم.. وعم تفطر قبالي
غالي ع قلبي كتير.. يا غالي
ألله عطاك من السما نعمه
منشان حتّى تنوّر ليالي
خلي المحبّه تسبق الكلمه
بدون المحبه.. قلبنا خالي
بضحكه زغيره لوّن النسمه
بكلمة هلا.. بتوسّع مجالي
بإيام شهر الصوم والرحمه
متل ما نحنا اجتمعنا اليوم
يتجمّعوا.. يتوحّدوا بهالصوم
تا تزلغط الأرزات بجبالي
وتا يفرح الديّان بالعالي
0 comments:
إرسال تعليق