ـ1ـ
ع طول.. بشوفا.. ع طول
حبقه.. وشو حلوه الحبقه
بتمشي.. بتسوسح العقول
علم.. مزيّن بالخلقه
إسما بهيه.. ومعقول
الأرزه تحمل دكتوره
وما تعلّق خرزه زرقا؟
ـ2ـ
بَقدملك باقات زهور
وشمعه مضويه بقداس
يا دكتوره بركي النور
بيضوّي بْعتمات الناس
بهيه واسمك مذكور
بِقصايد كلا إحساس
بهنيكي.. وقلبي مقهور
وين البي الربى البنت
يغنجها ويبوس الراس
ـ2ـ
وينو بيّك.. هالـ حليم
يشوف البنت البهيه
مشيت ع الدرب السليم
أستاذه.. ومحاميه
ودكتوره.. وألله كريم
تحمل وسام الأرزات
وتزلغط أحلى الإمات
لأجمل ورده جوريه
ـ4ـ
مش رح ناديكي بإسمك
وإسمك صفّى غنيّه
بنقّي إسمك ع كسمك
بسميكي يا بهيّه:
أرزتنا اللبنانيه
**
شربل بعيني
0 comments:
إرسال تعليق